Gjykata e Posaçme ka kaluar për gjykim dosjen ndaj grupit të Talo Celës, të akuzuar për dy ngjarje kriminale ku kanë mbetur të vrarë 4 viktima. Në gjykim ka kaluar dosja për Besian Xhixhan, Enver Divan, Altin Ndocin dhe për bashkëpunëtorin e drejtësisë, Klevis Allën. Për të pandehurit Talo Çela dhe Nuredin Dumani gjykata pezulloi me një vit çështjen, për shkak se ata ende nuk janë arrestuar. Të pandehurit akuzohen për vrasjen e vëllezërve Viktor e Besmir Haxhia dhe Dorian Shkoza e Anxhelo Avdia. Talo Çela është i akuzuar për 5 vepra penale, mes tyre, për “vrasje në rrethana të tjera cilësuese”, në dëm të viktimave Dorian Shkoza, Anxhelo Avdia, Besmir Haxhia e Viktor Haxhia. Çela, i cili është në arrati, akuzohet edhe për tentativën e vrasjes me paramendim ndaj Irfan Hazizit. Grupi kriminal ku bëjnë pjesë edhe autorët e ekzekutimit të dy vëllezërve Haxhia , dyshohet se kanë urdhëruar vrasjen e Dorjan Shkozës dhe Anxhelo Avdia, ngjarje e ndodhur me datë 2 mars po të njëjtën zonë në Durrës. Prokuroria bashkoi dy dosjet, të Haxhiajve dhe të dy të rinjve qe u ekzekutuan në 2 mars të vitit 2020, pasi vëllezërit Haxhia kishin njohje dhe marrëdhënie miqësore me dy viktimat, Shkoza dhe Avdia. Dorian Shkoza dhe Anxhelo Avdia u ekzekutuan më pak se 1 km nga vendi ku u ekzekutuan vëllezërit Haxhia, me të njëjtën mënyrë e mekanizëm. 30 vjecari Besian Xhixha dhe Enver Diva, u paguan paradhënie pesë mijë euro nga Nuredin Dumani, për të vrarë Besmir Haxhinë pasi “ai kishte nisur të fliste shumë”. Por ndërsa njeri prej tyre u prek nga Covidi e më pas njoftuan Dumanin se plani anulohej, grupi u mblodh dhe vendosi ta kryejë krimin vetë, ku gjatë sulmit u vra gabimisht edhe vëllai i Besmir Haxhisë, Viktor Haxhia. E ndërsa Nuredin Dumani është nën hetim për një seri ngjarjesh ku përfshihet edhe vrasja e Anxhelo Advisë dhe Dorian Shkozes, ndaj ish mikut të tij Talo Çela, edhe ai i shpallur në kërkim, rëndon dhe një ngjarje tjetër siç është tentativa për të vrarë biznesmenin Irfan Hazizi. Të gjithë të dyshuarit e mësipërm do të jenë të përfshirë në të njëjtën dosje. Talo Çela u shfaq nbë këto ngjarje të rënda pas grabitjes disa milionë euroshe në pistën e Rinasit. Gjatë kësaj grabitjeje mbeti i vrarë Admir Murataj, sërish Talo Çela është I dyshuari kryesor.