Të martën presidenti Ilir Meta mund të shpallë datën për zgjedhjet lokale të pjesshme në 6 bashki që janë pa kryetar. Zedhendësi i presidencës Tedi Blushi njoftoi përmes një statusi në rrjetet siociale se ditën e martë presidenti do të shprehet pas vendimit të gjykatës kushtetuese që la në fuqi zgjedhjet e 30 qershorti të 2019. “Sot në mesditë ka mbërritur në protokollin e Institucionit të Presidentit të Republikës njoftimi i Gjykatës Kushtetuese për vendimmarrjen e saj për çështjen e zgjedhjeve vendore 2019. Në respekt të transparencës dhe për rëndësinë e veçantë, që ka kjo çështje për të gjithë qytetarët, brenda ditës së nesërme Institucioni i Presidentit të Republikës do të ketë një qëndrim zyrtar, që do ta bëjë publik për opinionin vendas dhe ndërkombëtar”.