Pas përfundimit të hetimeve për inceneratorin e Elbasanit, Prokuroria e Posaçme Antikorrupsion shpalli pretencën për personat e akuzuar, duke kërkuar 57 vite burg në total. Për të diskutuar në lidhje me hetimin ishte i ftuar në emisionin “Zona Zero” me Dafina Hysën, ish-prokurori Eugen Beçi, i cili e quajti pretencën e kërkuar nga propkuroria, mbi masën për akuza të ngjashme. Beci shkoi edhe më tej, duke u shprehur se prokuroria nuk ka pasur si synim një hetim të plotë të çështjes, pasi ka lënë pa përgjigje shumë pikëpyetje të ngritura. Tashmë pala mbrojtëse do të ketë kohë deri më 1 qershor për të rrëzuar akuzat e prokurorisë, teksa Beci tha se beson që Gjykata do të ngrihet në nivelin e duhur për të dhënë një vendim të drejtë. Beci kritikoi edhe praktikën e dhënies së masës së arrestit me burg, pa u dhënë mundësi më parë të akuzuarve që të japin dëshminë e tyre dhe të shprehin kundërshtitë nëse kanë.