Deputeti socialist, Agron Çela është pyetur këtë të martë nga prokurorët e SPAK në lidhje me hetimet që po zhvillohen për çështjen CEZ-DIA. Çela, që në zgjedhjet e 2017-s mori mandatin e deputetit në Qarkun e Shkodrës nën siglën e Lëvizjes Socialiste për Integrim, në dosjen e SPAK rezulton se ka pasur një kompani që ka hyrë në marrëdhënie kontraktuale me kompaninë DIA, të Kastriot Ismailajn. Pas përfundimit të seancës së marrjes në pyetje, ai foli shkurtimisht për gazetarët. SINKRON AGRON CELA - Isha për punët e mia. Kastriot Ismailaj se njoh kush është ky, s’di gjë për Cez Dia. Ilir Metën e njeh gjithë Shqipëria, kam marrëdhënie shumë të mira. Javën e kaluar, në SPAK u paraqit vetë Ilir Meta, që u mor në pyetje po për këtë çështje. Meta e konsideroi të gjithë hetimin një telenovelë që po përdoret politikisht me kallëzues të rremë.