Projekti i Kievit "Dua të jetoj" u bën thirrje ushtarëve të Koresë së Veriut që t'i dorëzohen forcave ukrainase në nëj video të re në gjuhën koreane, pasi trupat e para të Penianit mbërritën në zonën e luftimit në rajonin kufitar të Rusisë, Kursk. Videoja tregon kampet e të burgosurve në Ukrainë dhe premton se pasi të dorëzohen, ushtarët do të mbahen në përputhje me Konventat e Gjenevës, dhe do të kenë ushqim e kujdes mjekësor. "Pavarësisht se sa ushtarë dërgon Pheniani për të ndihmuar Rusinë, pa marrë parasysh destinacionin, kampet e të burgosurve ukrainas janë gati të presin ushtarë të çdo kombësie, feje dhe pikëpamjesh ideologjike" , thuhet në një deklaratë. Sipas Drejtorisë Kryesore të Inteligjencës të Ministrisë së Mbrojtjes të Ukrainës, njësitë e para ushtarake të Koresë së Veriut mbërritën në zonën e luftimit në rajonin e Kurskut në Rusi, të mërkurën.