Rreth një vit pas tragjedisë së përmbytjeve vdekjeprurëse që vranë 229 persona në rajon, udhëheqsi I rajonit të Valencias në Spanjë, Carlos Mazon ka dhënë dorëheqjen. Përmes një konference,Mazon tha se po jepte dorëheqjen nën presion për shkak të mënyrës se si i menaxhoi përmbytjet katastrofike një vit më parë. Carlos Mazon është përballur me thirrje për të dhënë dorëheqjen, përfshirë edhe nga të afërmit e viktimave, që kur rrëmbimi i shiut i 29 tetorit 2024 vrau 229 persona dhe shkaktoi dëme prej miliarda eurosh, kryesisht në periferi në jug të Valencias, qytetit të tretë më të madh të Spanjës. "Nuk mund të vazhdoj më," u tha gazetarëve Mazon, i Partisë Popullore (PP) konservatore në opozitë. "E di që kam bërë gabime, e pranoj dhe e di që do të më duhet të jetoj me to për pjesën tjetër të jetës sime." Në një fjalim të mëparshëm, ai kritikoi ashpër mbështetjen e pamjaftueshme nga qeveria e kryeministrit socialist Pedro Sanchez. Mazon fajësoi gjithashtu agjencinë kombëtare të motit AEMET dhe organin që rregullon rrjetin hidrologjik rajonal, për vonimin e paralajmërimit për katastrofën. Udhëheqsi I Valencias nuk bëri me dije nëse po thërriste zgjedhje të parakohshme, as nuk sqaroi nëse po hiqte dorë nga vendi i tij në asamblenë rajonale dhe as kush do të jetë pasardhësi i tij i përkohshëm. Ai tha se do të kishte dhënë dorëheqjen më herët, por nuk e bëri për shkak të detyrës për të udhëhequr rindërtimin.