Ministrja e Shëndetësisë, Evis Sala dha dorëheqjen nga detyra. Burime bëjnë me dije se gjatë mbledhjes së kabinetit qeveritar, Sala i ka dorëzuar kryeministrit Edi Rama dorëheqjen me argumentin se do të vijojë angazhimet e saj akademike. Ministrja e morri detyrën më 11 shtator të vitit të kaluar, gjatë punimeve të asamblesë kombëtare të Partisë Socialiste. Shefi i ekzekutivit, Edi Rama e prezantoi si një figurë me një karrierë të gjatë akademike dhe kërkimore në Mbretërinë e Bashkuar, e cila pritej të jepte kontribut veçanërisht tek spitali Onkologjik. Më herët Sala kishte drejtuar Qëndrën për Imazheri Diagnostike dhe Radioterapi Onkologjike në Poliklinikën “Gemelli e po ashtu kishte kontribuar në Programin e Integruar të Mjekësisë së Kancerit në Qendrën e Kërkimit të Kancerit në Kembrixh.