Kryeministri bullgar Nikolai Denkov ka dhënë dorëheqjen, duke i hapur kështu rrugën partnerit të tij të koalicionit, partisë së qendrës së djathtë GERB, për të udhëhequr qeverinë. Mediat bullgare raportojnë se kryeministri në largim deklaroi se po e bën këtë duke pasur parasysh zotimin e bërë në një deklaratë të përbashkët të datës 6 qershor të viti 2023 që lidhej me rotacionin e qeverisë pas 9 muajve të parë të qeverisjes. Ai theksoi se dorëheqja e dorëzuar është një ftesë ndaj GERB-it për negociata për reformat. “Gjatë 9 muajve të ardhshëm ne duhet të përfundojmë rrugën e reformave që e caktuam në qershor”, tha Denkov, duke theksuar se për këtë nevojitet guxim politik. “Ne duhet të ulemi në tryezën e bisedimeve dhe kur rezultatet e këtyre negociatave të jenë të qarta, atëherë do të merrni informacion”, iu përgjigj Denkov pyetjes së një gazetari për ndarjen e ardhshme të pushtetit.