Presidenti serb, Aleksandër Vuçiç tha të shtunën se do të japë dorëheqjen brenda disa javësh dhe njoftoi zgjedhje të parakohshme presidenciale dhe parlamentare. Deklarata e Vuçiç erdhi pas një viti e gjysmë protestash kundër korrupsionit, të udhëhequra nga studentët, që përshkuan të gjithë vendin, pas shembjes së çatisë në një stacion hekurudhor në qytetin verior të Novi Sadit, ku vdiqën 16 persona. Pak më parë në qytetin e Novi Sadit, studentët përkujtuan vdekjet e vitit 2024 dhe kërkuan zgjedhje të parakohshme. "Do të jem president vetëm për disa javë dhe pastaj do të jap dorëheqjen", u tha Vuçiç mbështetësve të tij në një tubim pro-qeveritar në Beograd. Mandati i dytë dhe i fundit i Vuçiçit përfundon në mesin e vitit 2027. Vuçiç tha gjithashtu se do të ndihmonte Partinë e tij Progresive Serbe të fitonte zgjedhjet, përfshirë zgjedhjet e parakohshme parlamentare, të caktuara fillimisht për vitin 2027. Protestuesit, opozita dhe grupet e të drejtave të njeriut pretendojnë se katastrofa e stacionit hekurudhor është simbol i keqmenaxhimit më të gjerë qeveritar të projekteve të ndërtimit dhe korrupsionit. Aktivistët nga lëvizja e udhëhequr nga studentët thonë se duan të sfidojnë Vuçiç dhe partinë e tij në zgjedhjet e reja.