Ish presidenti amerikan, Donald Trump do të vihej kundër amerikanëve nëse do të zgjidhte të mbështeste rusinë përballë Ukrainës – tha presidenti ukrainas Volodimir Zelenski. Duke folur për CNN nga Kievi, Zelenski tha se ai nuk mund të kuptonte se si Donald Trump mund të ishte në anën e Putinit. “Është e pabesueshme”, tha Zelenski. Trump, që me shumë gjasa do të bëhet kandidati republikan për zgjedhjet presidenciale, pasi fitoi edhe zgjedhjet paraprake në karolinën e jugut, në të shkuarën ka refuzuar të thotë se kush do që ta fitojë luftën, rusia apo ukraina. Zelenski tha se ai besonte se Trump, që ka pretenduar edhe se do ti jepte fund luftës brenda një ditë nëse do të zgjidhet president, nuk i kupton qëllimet e putinit. “Unë mendoj se Trump nuk e njeh Putinin. Unë e di që ai e ka takuar, por nuk ka luftuar kurrë me putinin. Ushtria amerikane nuk ka luftuar kurrë me ushtrinë ruse. Unë po”, tha Zelenski duke shtuar: Unë nuk mendoj se ai e kupton se Putin nuk do të ndalet kurrë.