Donald Trump duket se ka lënë të kuptohet, në mënyrë të rreme, se ai ka mbështetjen e këngëtares së njohur Taylor Sëift, duke postuar imazhe të rreme në mediat sociale, ku shihej këngëtarja dhe fansa të saj që e mbështesnin atë. Kandidati republikan për president ka shkruar "Pranoj!" poshtë imazheve, të cilat janë marrë nga llogari të tjera në rrjetet sociale. Shumë prej tyre duket se janë krijuar duke përdorur inteligjencën artificiale. Postimi shkaktoi një reagim të ashpër në mesin e fansave të Sëift, të njohur si Sëifties, të cilët akuzuan Trumpin për përhapjen e dezinformatave. Këngëtarja nuk ka mbështetur ende një kandidat në zgjedhjet e vitit 2024, por ajo mbështeti demokratët në 2020 dhe kritikoi Trumpin ndërsa ishte president. Një nga fotot e shpërndara nga Trump tregonte fansat e Sëift të veshur me bluza në të cilat shkruhej: "Sëifties për Trump".