Kandidati i pavarur për president, Robert F Kennedy Junior ka shprehur mbështetjen për Donald Trump, duke njoftuar tërheqjen nga gara dhe duke dalë në skenë me kandidatin e republikanëve. Kennedy, 70 vjeç, një demokrat për pjesën më të madhe të jetës së tij dhe pasardhës i dinastisë Kennedy, tha se parimet që e kishin shtyrë atë të largohej nga partia e kishin detyruar të japë mbështetjen për Trump. Përpara se ta ftonte në skenë të premten, Trump premtoi se nëse zgjidhet President do të publikojë të gjitha dokumentet e mbetura në lidhje me vrasjen e Presidentit John F Kennedy në vitin 1963. Trump e vlerësoi Kenedin si "fenomenal" dhe "shkëlqyes" në mitingun e mëvonshëm në Glendale. Rivalja demokrate Kamala Harris tha se do të përpiqej të "fitonte" mbështetjen e votuesve të Kenedit. Me afrimin e zgjedhjeve të nëntorit, mbështetja për Kennedin ra nën 10 për qind. Djali i senatorit amerikan Robert F Kennedy dhe nipi i Presidentit John F Kennedy, ai është nga familja më e famshme e Partisë Demokratike dhe mbështetja hapur për Trump konsiderohet si një goditje për Harris.