Humb jetën aksidentalisht në Rrogozhinë një 60-vjeccar. Ngjarja ndodhi mesditën e së martës, në rrugën pranë shtëpisë së 60-vjeccarit. Pasi ka dalë nga banesa në afërsi të stacionit hekurudhor të Rrogozhinës, I moshuari ka marrë një frezë toke dhe është nisur për të punuar, por në pjerrësinë e rrugës ka rrëshqitur dhe nuk ka mundur ta kontrollojë veten dhe mjetin e punës. Njëri nga dy marshet e frezës, pjesa e drejtimit të saj, e ka goditur dhe i ka hyrë në bark, duke e dëmtuar rëndë. Viktima humbi jetën rrugës për në spital për shkak të dëmtimeve të rënda dhe hemoragjisë së brendshme. Në njoftimin e saj mbi ngjarjen e Rrogozhinës, policia vendore bëri me dije se gjithccka ndodhi rreth orës 11:55, në Rrogozhinë dhe se viktima u dëmtua aksidentalisht me mjetin e punës tip frezë, kurse grupi hetimor po heton më tej për sqarimin e plotë të rrethanave të ngjarjes.