Zbardhet djegia e qëllimshme e një automjeti, në lagjen “Lirim” në Vlorë e ndodhur një javë më parë. Policia mundi të identifikojë autorin e dyshuar. Ai është një 17-vjeçar I cili për shkak të moshës u procedua penalisht në gjendje të lirë. Adoleshenti u identifikua nga kamerat e sigruisë rreth zonës. Si rezultat i informacioneve dhe provave të siguruara gjatë një hetimi të ndjekur me metoda proaktive, në bashkëpunim me Prokurorinë e Vlorës, agjentët e policisë mundën të zbardhnin të gjithë itinerarin e ndjekur nga 17-vjeçari gjatë djegies së makinës tip Benz, që përdorej nga një 19-vjeçar. Ai akuzohet për veprën penale “Shkatërrimi i pronës me zjarr”. Ndërkohë vijon puna për identifikimin e personave të tjerë të përfshirë në këë rast, të cilët dyshohet se e kanë nxitur adoleshentin që të ndërmarrë veprimin për t’I vendosur zjarrin mjetit.