Dy shtetas janë procedur penalisht nga policia e Vlorës, pasi dyshohen si autorë të zjarrëvënies së disa parcelave me ullinj. Bëhet fjalë për një grua të moshës 62 vjec dhe një burrë të moshës 66 vjec. Sipas policisë, 62 vjecarja ka djegur një parcelë me ullinj për të pastruar sipërfaqen e tokës në vendin e quajtur “Mbi Park” në fshatin Peshkëpi, mirëpo flakët janë përhapur nga era dhe kanë djegur një sipërfaqe me shkurre dhe bimësi aty pranë. Ndërkohë, 66 vjecari në vendin e quajtur “Qafa e Topit”, në lagjen “Lirim” në Vlorë, ka djegur një sipërfaqe toke me shkurre nga pakujdesia, dhe ka dëmtuar disa rrënjë ullinj në pronësi të tij dhe në pronësi të dikujt tjetër. Materialet i kaluan Prokurorisë së Rrethit Gjyqësor Vlorë, për veprën penale “Shkatërrimi i pronës me zjarr”.