Top News – “Do t’u thyejmë këmbët burrave tanë!” / Gratë ruse të dëshpëruara: Kështu evitojnë luftën

Mijëra rusë të dëshpëruar po përpiqen të largohen nga vendi për të evituar mobilizimin e shpallur nga Vladimir Putin ndërsa radhë kilometrike janë krijuar në kufijtë e vendit. Burrat në moshë lufte po nxitojnë të evitojnë një mobilizim të plotë të mundshëm, pasi Putin urdhëroi të parin mobilizim të pjsesshëm në vend që nga lufta e dytë botërore, me plane për thirrjen e menjëhershme nën armë të rreth 300 mijë trupave, që do të dërgohen më pas në vijën e frontit. Bileta avionësh nuk mund të gjenden më në mesin e panikut ndërsa ka edhe nga ata që i janë kthyer taktikave më drastike për të evituar thirrjen nën armë me kërkimet në Google ‘si të thyesh krahun në shtëpi’ që janë shtuar jashtëzakonisht shumë vetëm pak orë pas fjalimit të Putinit.