Irani tha të premten se po u jepte bisedimeve bërthamore të nivelit të lartë me Shtetet e Bashkuara të shtunën "një shans real", pasi Presidenti Donald Trump kërcënoi me luftë nëse diskutimet dështonin. Trump bëri një njoftim të befasishëm të hënën se Uashingtoni dhe Teherani do të fillonin bisedimet në Oman, një shtet i Gjirit që ka ndërmjetësuar më parë midis Perëndimit dhe Republikës Islamike. Kthimi në janar, në Shtëpinë e Bardhë, i Donald Trump, i cili në mandatin e tij të parë tërhoqi SHBA-në nga marrëveshja e fuqive të mëdha e arritur në vitin 2015 me Teheranin, ka sjellë sërish një qasje më të ashpër ndaj një fuqie të Lindjes së Mesme, programin bërthamor të së cilës, aleati i Uashingtonit, Izraeli e konsideron si një kërcënim ekzistencial. Në të njëjtën kohë, Irani dhe grupet aleate janë dobësuar nga ofensivat ushtarake që Izraeli ka kryer në të gjithë rajonin, duke përfshirë sulmet ajrore në Iran.