Ish-kryeministri Sali Berisha, duke sjellë në vëmendje fjalën e kryeministrit indian Narendra Modi, në Kongresin e SHBA, sulmoi ambasadoren në largim, Yuri Kim, që sipas tij ka gënjyer shqiptarët dhe është shndërruar në sekretare të PS. Sipas Berishës rasti i Modi tregon sesi sanksionet mund të hiqen nga SHBA. E solla për një kërkesë ndaj guvernatores Yuri Kim, që po largohet nga Shqipëria. T’u kërkojë falje shqiptarëve se në mënyrë të përsëritur u ka deklaruar atyre se, ky vendim sanksionimi nuk hiqet kurrë. Në prag të largimit nga Shqipëria, duhet t’i them zonjës guvernatore se në historinë e pluralizmit dhe lirisë së këtij kombi, emri i saj do të mbetet i gdhendur si i një personi që abuzoi me pushtetin e përfaqësimit të vendit të vet dhe që së bashku me Edi Ramën, bëri gjithçka për të shkatërruar opozitën e vërtetë shqiptare, natyrisht, e dëmtove, por dështove. Nga ana tjetër me qëndrimet tuaja dhe bashkërendimin me qeverinë e narkotrafikantëve të Edi Ramës, je e vetmja ambasadore në 32 vite që largohesh nga ky vend e cilësuar gjerësisht si sekretare e PS-së, kjo nga unë.