Punimet për ndërtimin e aksit rrugor Orikum-Dukat janë drejt fundit, ndërkohë që kanë mbetur edhe dy javë që ky aks i rëndësishëm për lëvizjen e automjeteve. Zëvendëskryeministrja, njëherësh Ministër i Infrastrukturës dhe Energjisë, Belinda Balluku, së bashku me drejtorin e Autoritetit Rrugor Shqiptar, Gentian Gjyli ndoqën nga afër ecurinë e punimeve. Ministrja Balluku e konsideroi si të rëndësishme përfundimi e këtij aksi, pasi sipas saj do të sjellë lehtësimin e qarkullimit rrugor në këtë zonë, duke rritur njëkohësisht edhe parametrat e sigurisë rrugore. Balluku: “Për dy javë e dorëzojmë përfundimisht dhe më pas përqendrojmë të gjitha forcat në tunelin e Llogarasë dhe në aksin e Thumanë-Kasharit që unë mendoj që është ajo që presin më shumë këtë vit shqiptarët, por dhe vizitorët e huaj, pasi trafiku me të vërtetë ka qenë i rënduar vitet e fundit edhe për shkak të numrit të shumtë të avionëve që vijnë në Rinas, por edhe për lëvizjen që ndodh mes Shqipërisë dhe Malit të Zi.”