Tom Hanks ka habitur që të gjithë pas një deklarate të bërë së fundmi. Ai beson se edhe pasi të ketë ndërruar jetë mund të vazhdojë të shfaqet në filma të rinj. Sipas tij, kjo mund të ndodhë falë fuqisë së inteligjencës artificiale. Duke folur për episodin e fundit të “The Adam Buxton Podcast”, 66-vjeçari tha se nëse do të donte, mund të prezantonte një seri prej shtatë filmash, në të cilët do të ishte 32-vjeçar. Aktori me tej tha se të gjithë mund ta rikrijojnë veten në çdo moshë duke përdorur inteligjencën artificiale ose teknologjinë ‘deepfake’. “Unë mund të përplasem nga një autobus nesër, të vdes, por rolet e mia mund të vazhdojnë”, tregoi Hanks. Gjithsesi Tom Hanks pranoi se versioni i tij nuk do të ishte në gjendje të performonte aq mirë sa ai tani. Zhvillimi i inteligjencës artificiale po inkurajon agjentët filmikë të shkruajnë kontrata për të mbrojtur personazhet e aktorëve si pronë intelektuale.