Në momentin e votimit nga 1564 delegatë me të drejtë vote, 1464 delegatë ishin të pranishëm në sallë. Ata votuan pro 8 ndryshimeve në statutin e partisë, disa nga pikat për të cilin ishin fuqizimi i diasporës me një përfaqësim prej 15% në lista dhe në organet e partisë si edhe rritja e përfaqësimit të vajzave dhe grave nga 30 në 40%. Gjatë punimeve të Kuvendit, kryedemokrati Berisha prezantoi programin e PD, ku tha se në fokus do të jetë ekonomia dhe lufta ndaj krimit të organizuar e korrupsionit.