Rusia tha të dielën se miratimi nga ana e ligjvënësve amerikanë të paketës së re të ndihmës ushtarake për ukrainën me vlerë prej 60.84 miliardë dollarësh, tregon se Uashingtoni po zhytet shumë thellë në një luftë hibride kundër Moskës që do të përfundojë me poshtërim në të njëjtin nivel me konfliktet e Vietnamit ose Afganistanit. Pushtimi i Ukrainës nga rusia ka shkaktuar krizën më të rëndë në marrëdhëniet mes moskës dhe Perëndimit që nga kriza e raketave Kubane e vitit 1962, sipas diplomatëve rusë dhe amerikanë. Të shtunën, Dhoma e Përfaqësuesve në SHBA miratoi me mbështetje të gjerë dypartiake një paketë prej 95 miliardë dollarësh që ofron ndihmë sigurie për Ukrainën, Izraelin dhe Tajvanin, duke kapërcyer kundërshtimet e disa republikanëve të ekstremit të djathtë. Zëdhënësja e Ministrisë së Jashtme ruse Maria Zakharova tha se ishte e qartë se Shtetet e Bashkuara donin që Ukraina "të luftonte deri në Ukrainasin e fundit". Zhytja gjithnjë e më e thellë e Uashingtonit në luftën hibride kundër Rusisë do të kthehet në një fiasko të zhurmshme dhe poshtëruese për Shtetet e Bashkuara si Vietnami dhe Afganistani”, tha Zakharova. Rusia, tha ajo, do t'i japë "një përgjigje të pakushtëzuar dhe të vendosur" angazhimit të SHBA-së në luftën e Ukrainës.