Ministri i Mbrojtjes i Izraelit, Yoav Gallant, tha të mërkurën se po planifikon që të lejojë sa më shumë ndihma për Gazën përmes një kalimi të ri që do të zgjidhte dhe krizën e urisë që ka përfshirë enklavën palestineze. Me Izraelin nën presion ndërkombëtar për të lejuar më shumë ushqime, Gallant tha se plani përfshin rritjen e dërgesave në rreth 500 kamionë në ditë. “Ne planifikojmë të përmbytim Gazën me ndihma dhe presim të arrijmë 500 kamionë në ditë," tha ai për gazetarët. Izraeli premtoi javën e kaluar se do të hapte kalimin Erez në veri pas një telefonate që presidenti amerikan Joe Biden zhvilloi me kryeministrin Benjamin Netanhyahu. Grupet humanitare kanë akuzuar Izraelin se po përdor urinë si një armë lufte në Gaza. Sipas shifrave të OKB-së gjysma e popullësisë po përballet me kushte ekstreme të urisë. Ndëkrohë Izraeli i ka mohuar akuzat, ndërsa ka fajësuar OKB-në për keqmenaxhim të shpërndarjes së ushqimeve. Lufta në Gaza nisi pas sulmit të Hamas më 7 tetor, ku u vranë 1170 izraelitë dhe u rrëmbyen rreth 200 të tjerë. Ndërkohë nga ofensiva hakmarrëse e trupave izraelitë kanë humbur jetën mbi 33 mijë palestinezë.