Trupat e Gardës Revolucionare të Iranit paralajmëruan se do të "ndryshojnë gjeografinë e luftës" nëse SHBA-ja e përshkallëzon konfliktin, pasi Donald Trump lëshoi kërcënime të reja ndaj Republikës Islamike. Në një intervistë për Fox Neës, Trump tha se "gjëra shumë të mëdha do të ndodhin në një të ardhme jo shumë të largët", duke shtuar se opsionet që po shqyrtonte ishin "shkatërrimi i plotë i Iranit, lënia e tyre të kalben ekonomikisht ose arritja e një marrëveshjeje". Një zëdhënës i gardës, u përgjigj me një paralajmërim se nëse SHBA-ja do të niste sulme të reja kundër Iranit, Teherani do të përdorte "armë të reja me aftësi të veçanta në betejë". "Nëse ndodh një agresion i ri, ne patjetër që do t'i ndryshojmë armët dhe gjeografinë e luftës", tha ai. "Objektivat tona nuk do të jenë domosdoshmërisht të njëjtat si më parë," tha ai, sipas transmetuesit shtetëror të Iranit (IRIB), duke shtuar se Irani ka objektiva që ende nuk janë goditur.