Presidenti amerikan, Donald Trump, po shqyrton dërgimin e raketave Tomahaëk me rreze të gjatë veprimi në Ukrainë, duke thënë se kjo do të siguronte "një hap të ri agresioni" në luftën e saj me Rusinë. Kur u pyet në Air Force One nëse do të dërgonte Tomahaëk-ën në Ukrainë, Trump u përgjigj "do ta shohim... Mund ta bëj këtë". Kjo vjen pas një telefonate të dytë në fundjavë mes Trump dhe Presidentit ukrainas Volodymyr Zelensky, i cili kërkoi aftësi më të forta ushtarake për të nisur kundërsulme kundër Rusisë. Moska e ka paralajmëruar më parë Uashingtonin kundër ofrimit të raketave me rreze të gjatë veprimi për Kievin, duke thënë se kjo do të shkaktonte një përshkallëzim të madh në konflikt dhe do të tendoste marrëdhëniet SHBA-Rusi. Raketat Tomahaëk kanë një rreze veprimi prej 2,500 km, gjë që do ta vinte Moskën në rrezen e zjarrit të Ukrainës. Trump foli me gazetarët ndërsa fluturonte për në Izrael. Ai tha se ndoshta do të fliste me Rusinë në lidhje me Tomahaëk-ët e kërkuar nga Ukraina. "Mund t'u them atyre se nëse lufta nuk ndalet ne do të dërgojmë Tomahaëkët në Ukrainë", tha presidenti.