Forcimi i mbrojtjes ajrore është investimi më i mirë strategjik për sigurinë e vendit dhe 2024-a do të jetë viti kur Ukraina do ta dëbojë rusinë nga qiejt e saj. Presidenti i ukrainës, Volodimir Zelenski e ka bërë këtë deklaratë në llogarinë e tij në X. Ai renditi pesë arsye pse forcimi i mbrojtjes ajrore ukrainase është investimi më i mirë. “Para të gjithash, cdo sistem i mbrojtjes ajrore dhe cdo raketë që i jepet ukrainës, shpëton jetë”, tha Presidenti. Së dyti, sipas tij, më shumë njerëz do të mund të kthehen nga jashtë, në cdo qytet të madh dhe rajon, i cili do të jetë i mbuluar plotësisht nga një mburojë ajrore e besueshme. Kjo do ti jepte ekonomisë së ukrainës një shtysë të madhe, do ta ndihmojë vendin të reduktojë deficitin buxhetor dhe si rezultat do të ulë edhe nevojën për ndihmë financiare ndërkombëtare. E treta, sipas zelenskit, sa më e fortë të jetë mbrojtja ajrore, aq më i madh është suksesi i Ukrainës në detin e zi, dhe aq më të mëdha janë eksportet detare. Liria e lundrimit do të ishte e garantuar dhe stabiliteti i vendit do rritej po ashtu. Kjo do ti lejojë ukrainasit të eksportojnë mijëra tonë ushqime përmes detit të sigurt dhe do të luftojë edhe krizën globale të ushqimeve. E katërta, nënvizon presidenti, cdo sistem shtesë i mbrojtjes ajrore, dhe cdo raketë, shpëton burimet që do të nevojiten për të ringritur ndërtesat e dëmtuara, infrastrukturën civile, sistemet e energjisë, rrjetin energjitik etj. Dhe e pesta, mbrojtja ajrore do ta privonte rusinë nga aftësia për të terrorizuar ukrainën me raketa dhe dronë dhe do ta detyronte agresorin të hiqte dorë nga këto taktika të cilat në përgjithësi ndihmojnë në sjelljen e fitores më afër. Zelenski tha se ukraina është një vend i madh ndaj nevoja për mbrojtje ajrore është e madhe.Zelenski ka besim se forcimi i kapaciteteve të mbrojtjes ajrore është investimi më i mirë strategjik në sigurinë e vendit që do të kursente edhe vendet partnere nga dhënia e sasive të mëdha të ndihmave në plan afatgjatë. “Që nga 2022, ukraina ka cliruar më shumë se gjysmën e tokave të pushtuara nga rusia. Në 2023, ukraina dëboi flotën ruse nga pjesa më e madhe e detit të zi. 2024 duhet të jetë viti kur ukraina do ta dëbojë rusinë nga qiejt e saj”, shkruan ai.