Irani ka dërguar dy luftanije në një lëvije që dyshohet se është mbështetje për armikun e hershëm të shteteve të bashkuara, Maduron, në mesin e frikës se ato mund të bllokojnë kanalin e panamasë. Destrojeri iranian Sahand dhe mjeti që dikur përdorej për të mbledhur të dhëna, Makran, aktualisht po lundrojnë në oqeanin atlantik, pasi u nisën muajin e shkuar nga porti jugor i iranit Bandar Abbas. Mediat iraniane kanë publikuar një klip të shkurtër të destrojerit që lundron në ujërat e atlantikut. Anija mbështetëse Makran ka qenë një cisternë nafte e konvertuar me një platformë lancimi për helikopterët. Zyrtarët iranianë thanë se misioni i anijeve ishte udhëtimi më sfidues dhe më i gjatë i marinës iraniane. “Marina po përmirëson kapacitetet e saj në det dhe po provon rezistencën afatgjatë në dete dhe në kushtet e pafavorshme të motit në atlantik”, thanë ata. Luftanijet sipas tyre nuk do të hyjnë në ndonjë port gjatë misionit. Por ndërsa mediat nuk kanë përmendur destinacionin final të anijeve, raporte nga SHBA kanë cituar zyrtarë anonimë amerikanë që thonë se ato mund të jenë nisur drejt venezuelës. Irani ka lidhje të ngushta me presidentin e venezuelës, Nikolas Maduro, me vendin që ka dërguar atje naftë dhe produkte të tjera përkundër sanksioneve amerikane mbi karakasin. Por ka dyshime se ato mund të ndikojnë në ndërprerjen e lundrimit në kanalin e panamasë që ndodhet pranë brigjeve të venezuelës.