Presidenti Donald Trump kërcënoi se do të bllokojë hapjen e një ure të re që lidh SHBA-në dhe Kanadanë, duke sulmuar përsëri fqinjin verior të vendit të tij për një sërë çështjesh ekonomike, ndërsa përçarja mes Uashingtonit dhe Otavës thellohet. Trump tha se "nuk do të lejojë" hapjen e Urës Ndërkombëtare Gordie Hoëe, një urë 2.5 km e gjatë që lidh Detroitin dhe Ëindsor në Ontario, në një postim në Truth Social. Ndërtimi në urë ka përfunduar dhe pritet që ajo të hapet këtë vit pas një periudhe testimi. "Nuk do të lejoj që kjo urë të hapet derisa Shtetet e Bashkuara të kompensohen plotësisht për gjithçka që u kemi dhënë atyre dhe gjithashtu, më e rëndësishmja, Kanadaja t’i trajtojë Shtetet e Bashkuara me Drejtësinë dhe Respektin që meritojmë. Ne do të fillojmë negociatat, menjëherë", shkroi presidenti. Nuk është e qartë se si Trump do ta bllokonte hapjen e urës.