Presidenti rus Vladimir Putin thuhet se do të tentojë një tjetër grabitje toke në Evropë, dhe bëhet fjalë për aneksimin e një territori moldav. Sipas zërave, Putin do të tentojë të godasë perëndimin duke njoftuar planet për aneksimin e territorit separatist në ish republikën sovjetike të Moldavisë, që kufizohet me Ukrainën, javën e ardhshme. Ka raporte se rajoni pro rus i Transnistrisë, që ka shpallur pavarësinë nga Moldavia në 1990-ën edhe pse në mënyrë të paligjshme, po planifikon ti kërkojë Putinit që ai të bëhet pjesë e rusisë. Rripi i tokës që shtrihet përgjatë lumit Dniester, ndodhet mes moldavisë dhe ukrainës, e cila po shënon përvjetorin e dytë të fillimit të luftës. Putin në fakt, ka një forcë të ashtuquajtur Paqeruajtëse, prej rreth 2 mijë trupash, në rajonin që ka një popullatë prej rreth 470 mijë banorësh të cilët Moska thotë se do të donte të përfshihej në rusi. Por, mendohet se ka edhe mijëra paraushtarakë në terren, të gatshëm që të rrëmbejnë armët kur thirrja tu vijë. Presidenti rus pritet të mbajë një fjalim të rëndësishëm në asamblenë federale ruse më 29 shkurt, dhe ka zëra se ai do ta përdorë këtë mundësi për ti ndezur dritë jeshile planeve të aneksimit të Transnistrisë. Një ditë më parë është thirrur po ashtu një kongres i politikanëve lokalë në Transnistri, në mesin e spekulimeve se ata do të bëjnë një kërkesë zyrtare për t’iu bashkuar Rusisë.