Një sherr i nisur mes dy adoleshentëve në rrjetin social Tik Tok, ka degraduar në përplasjen ballë për ballë të baballarëve të tyre, ku ka rezultuar fatale me një viktimë dhe një të plagosur. Ngjarja ka ndodhur në Kosovë, ndërsa mësohet se sherri nisi nga adoleshentët për një video në platformën sociale. Pas përplasjes në Tik Toik, adoleshentët janë përballur me njëri-tjetrin, edhe në prani të prindërve. Sipas mediave në Kosovë, debati ka agravuar mes prinderve dhe adoleshentëve deri në përdorim të thikës, duke lënë të vdekur 57-vjeçarin Agim Xani dhe të plagosur djalin e tij 15 vjeç, I cili ndodhet jashtë rrezikut për jetën. Sakaq, autorët e krimit janë Skender Krasniqi dhe i biri i tij, Taulant Krasniqi, të cilët janë arrestuar nga policia. Behët me dije se Skender Krasniqi më herët kishte sulmuar edhe drejtorin e një shkolle filloreje në Ribar Të Madh, ndërsa rasti ishte konfirmuar edhe nga policia.