Një kanal në telegram, i lidhur me presidentin bjellorus, aleksendar lukashenko, e citon atë të thotë se luftëtarët e grupit të mercenarëve Vagner, që tani po trajnojnë ushtrinë bjelloruse do të donin të shtyheshin përtej kufirit për të hyrë në Poloninë, anëtare të NATO-s. “Djemtë e Vagnerit kanë filluar të na shtyjnë, ata duan të shkojnë më në perëndim. “Le të bëjmë një udhëtim në Varshavë dhe Rzeszov”, citohet të ketë thënë ai. Nuk kishte sidoqoftë të dhëna se Lukashenko po argëtohej me të vërtetë me këtë ide. Ministria bjelloruse e mbrojtjes, tha më herët se luftëtarët e vagnerit kishin nisur të trajnonin forcat bjelloruse në një bazë ushtarake që ndodhet vetëm disa kilometra larg kufirit polak. Polonia ndërkohë po vendos trupa shtesë në kufirin me bjellorusinë pas mbërritjes së forcave të Vagnerit që u vendosën atje pas rebelimit të dështuar në rusi, muajin e kaluar. Putin si reagim, paralajmëroi Poloninë të premten se cdo agresion kundër bjellorusisë do të konsiderohej një sulm mbi rusinë. Ai tha se moska do të përdorte të gjitha mjetet në dispozicion për të reaguar ndaj ndonjë akti armiqësie kundrejt Minskut.