Themeluesi i Microsoft, Bill Gates dhe bashkëshortja e tij, filantropiste po ashtu, Melinda, njoftuan se ata do të divorcohen pas plot 27 viteve martesë. Njoftimi nga një prej cifteve më të pasur në botë, me një pasuri që vlerësohet se shkon në 130 miliardë dollarë, u bë përmes një deklarate të përbashkët në Tëitter. “Pas shumë vitesh bashkë, pas shumë idesh dhe shumë pune në marrëdhënien tonë, ne kemi marrë vendimin ti japim fund martesës sonë”, thanë ata. Deklarata nënvizonte se ata do të vazhdonin punën e përbashkët në fondacionin Bill & Melinda Gates, fondin masiv të bamirësisë që financon programe në shëndetin publik, barazinë mes gjinive, edukimin dhe kauza të tjera. Ne vazhdojmë të ndajmë besimin tek misioni ynë dhe do të vazhdojmë të punojmë së bashku në fondacion, por ne nuk besojmë se mund të rritemi bashkë si një cift në fazën e ardhshme të jetës sonë”. Njoftimi vjen dy vite pas divorcit të themeluesit të Amazon Jeff Bezos, aktualisht njeriu më i pasur në botë, dhe bashkëshortes së tij, MacKenzie. Bill Gates, 65 vjec, ishte adoleshent kur nisi të ngrinte atë që do të bëhej kompania me më shumë vlerë në botë dhe ka qenë për një kohë njeriu më i pasur në botë dhe filantropisti më i njohur po ashtu. Ai u dorëhoq si shef ekzekutiv i Microsoft, në 2008, për ti dedikuar më shumë kohë filantropisë dhe më pas la edhe bordin duke mbajtur vetëm titullin e themeluesit dhe këhsilltarit teknologjik. Melinda gates, 56 vjec, u martua me të shoqin në 1994, kur ajo punonte në kompaninë teknologjike. Ata kanë së bashku tre fëmijë.