Presidenti i zgjedhur Joe Biden planifikon të nënshkruajë dhjetëra urdhëra ekzekutivë, përfshirë rikthimin në marrëveshjen e parisit për Klimën dhe dhënien fund të udhëtimeve nga vendet me shumicë myslimane, në ditën e parë të tij në detyrë. Kjo mësohet nga një memorandum i shpërndarë nga shefi i stafit Ron Klain. Ai po ashtu do të firmosë urdhëra që ndalojnë dëbimet dhe pagesat e qerave të studentëve gjatë pandemisë së koronavirusit dhe do të lëshojë një urdhër për mbajtjen e maskave në të gjitha ndërtesat federale në përpjekje për të përmbysur lëvizjet e administratës Trump apo për të avancuar politikat në një mënyrë të ndryshme nga ajo. Një nga premtimet kryesore të Biden në fushatë, ishte ai i përballjes me një problematikë që në ditën e parë të tij në detyrë. Përtej urdhërave ekzekutivë në ditën e parë të tij në detyrë, memorandumi nënvizon se Biden planifikon të dërgojë në kongres një plan të gjerë emigracioni brenda 100 ditëve të para në detyrë. Plani do të ofronte një mundësi për shtetësi për miliona emigrantë pa dokumenta që ndodhen aktualisht në shba. Biden prezantoi prioritetin e parë të tij këtë javë, duke njoftuar një paketë ndihme prej 1.9 trilionë dollarësh që përfshin edhe pagesa direkte për amerikanët. Biden bëri të qartë se ai donte që kjo të ishte cështja e parë që kongresi do të diskutonte pas inaugurimit të tij më 20 janar