Si sot 619 vite më parë do të vinte në jetë, Gjergj Skënderbej Kastrioti, në familjen e një prej patriotëve më të mëdhenj të kohës, drejtuesit të fisit të Kastriotëve, Gjon Kastriotit. Gjergj Skënderbej, do të merrej peng nga Sulltan Murati duke u shkolluar dhe u përgatitur në Perandorinë Otomane, ku do të arrinte për shkak të aftësive të tij të merrte gradën Gjeneral dhe të drejtonte ushtrinë në disa beteja deri në vitin 1443, kohë kur ai do të zgjidhte të largohej gjatë një beteje për tu kthyer në atdhe dhe të vihej në krye të vendit. Në vitin 1444 ai mblodhi të gjithë princërit shqiptarë në Lidhjen e Lezhës, ku u vendos unanimisht të luftohej për marrjen në zotërim të trojeve shqiptare kundër perandorisë otomane.