Më shumë se 900 protestues të 44 qyteteve në Rusi të cilët kundërshtojnë pushtimin e Ukrainës, janë vënë në prangat e policisë këtë të dielë. Lajmi është publikuar nga BBC, ndërsa citohet se informacioni bazohet në të dhënat e mledhura nga një grup i pavarur monitorues. Sipas të dhënave të këtij grupi, numri i përgjithshëm I protestuesve të arrestuar në Rusi ka shkuar në 4000 që prej fillimit të konfliktit mes dy vendeve gjatë 4 ditëve të fundit. BBC citon se nuk ka qenë në gjendje të verifikojë në mënyrë të pavarur asnjërën nga këto shifra. Protestat e mbajtura këtë të dielë, përkonin me përvjetorin e shtatë të vrasjes së politikanit të opozitës dhe kritikut të Putinit, Boris Nemtsov. Protestuesit në Moskë u arrestuan në një memorial të improvizuar pranë vendit ku u qëllua Nemtsov në Kremlin. Një nga vendet më të mëdha të demonstratave është në Shën Petersburg, ku fotografitë tregojnë policinë duke ndaluar disa mijëra protestuesit që janë mbledhur në qendër të qytetit.