Kryetari i lëvizjes demokratike të Kosovës, Lumir Abdixhiku ka refuzuar takimin me presidentin, duke mos shkuar ta takojë atë në selinë e Kuvendit, e duke thënë se takimi duhej të ishte mbajtur në selinë e partisë. “Lidhja Demokratike e Kosovës shpreh keqardhje për mosrealizimin e takimit zyrtar me Presidentin e ri të Shqipërisë, shkëlqesinë e tij Bajram Begaj; me rastin e vizitës së tij të parë në Kosovë. Për dallim nga krerët insitucional paraprak të Shqipërisë, Presidentët e shkuar, Kryeministrin e tanishëm, e të tjerë kryeministra paraprakw, Presidenti Begaj ka refuzuar të takojë LDK-në në selinë qëndrore të saj”, thuhet në një deklaratë të kësaj partie. LDK e konsideron të pazakontë refuzimin e Begajt për t’i takuar drejtuesit në zyrat e partisë. “Ndonëse nuk e kuptojmë një refuzim të tillë dhe shprehim njëkohësisht habinë për një qasje të pazakontë, konsiderojmë si mundësi të humbur takimin me Presidentin Begaj; të cilit i urojmë suksese në përfaqësimin më dinjitoz të Republikës së Shqipërisë. LDK ka selinë e vet dhe ajo mbetet e hapur për çdo zyrtar të shtetit shqiptar – siç ka qenë përherë”, thuhet më tej në deklaratë.