Në ditën e dytë dhe të fundit të samitit të NATO-s në Ankara, Kryeministri Edi Rama është takuar me Sekretarin e Përgjithshëm të Aleancës, Mark Rutte, teksa në agjendë është edhe një takim me Presidentin turk, Rexhep Taip Erdoan. Punimet e samitit në ditën e dytë filluan me një fjalë hapëse të Sekretarit të Përgjithshëm të NATO-s, Mark Rutte dhe Presidentit Erdoan. Samiti vjen në një klimë jo të qetë gjeopolitike, me presidentin amerikan Donald Trump që ka shprehur kritika të forta ndaj aleatëve për mungesën e mbështetjes ndaj operacioneve amerikane në luftën kundër Iranit si dhe pakënaqësive të Uashtingtonit me nivelin e shpenzimeve për mbrojtjen. Trump kritikoi me radhë Spanjën, Italinë dhe aleatët e tjerë europianë, teksa njoftoi beftas se armëpushimi me Iranin kishte përfunduar, duke nënkuptuar rinisjen e konfliktit në Lindjen e Mesme. Përveç 32 krerëve të shteteve dhe qeverive të vendeve anëtare të NATO-s, në samit marrin pjesë edhe rreth 100 ministra, diplomatë të lartë, përfaqësues të organizatave ndërkombëtare dhe të ftuar të tjerë.