Revolucioni i Flamingove shënoi ditën e 85-të të rezistencës. Nga bulevardi, qytetarët kritikuan projektin e prezantuar nga kryeministri Edi Rama, të quajtur ‘Pasqyrë Albania’ dhe këmbëngulën në kërkesën e tyre për dorëheqjen e tij nga detyra. “Qëndresa jonë po ndan epokat. Për 85 ditë ne vazhdojmë të qëndrojmë për secilin prej nesh sepse Shqipëria është e të gjithëve. Këto 85 ditë kanë treguar se Rama përveçse fizikisht e kemi mpirë Edi Ramën edhe mendërisht. Sot në Pogradec, pa ide, i vjetër dhe i mplakur. Nuk na tregoi asgjë të re, platformës Shqipëria që duam i kishte ndryshuar emrin. Fundi i Edi Ramës dhe qeverisë së tij është shumë afër. Për 85 ditë ne kemi treguar rezistencë, qëndresë dhe do jemi këtu derisa Edi Rama të mos jetë më. Jemi këtu përveçse për të rrezuar Ramën , jemi edhe që Edi Rama të mos shesë Shqipërinë”