Në ditën e 8 të protestave masive të qytetarëve kundër rritjes së çmimit të naftës, ambasada e Shteteve të Bashkuara të Amerikës publikoi një mesazh në faqen e saj zyrtare drejtuar qytetarëve. Selia diplomatike amerikane në Tiranë, bëri thirrje për zhvillimin e një proteste sa më paqësore, si dhe lajmëroi qytetarët amerikanë të shmangin çdo tubim në akset rrugore kryesore të kryeqytetit. Ambasada: Ditën e shtunë, datë 19.03.2022, me fillim në orën 11:00 para Kryeministrisë në bulevardin Deshmoret e Kombit, është planifikuar të zhvillohet një protestë, ku do të ketë devijim trafiku dhe bllokim rrugësh. Qytetarët amerikanë këshillohen të shmangin çdo tubim të madh në qytet. Këto ngjarja publike mund të zhvillohen në mënyrë paqësore, megjithatë situata mund të percipitojë dhe në mënyrë të paparashikueshme pjesëmarrësit mund të lëvizin në pjesë të tjera të qytetit. Monitoroni mediat lokale për informacionet më të fundit dhe ndiqni udhëzimet e autoriteteve lokale të zbatimit të ligjit. – shkruan ambasada amerikane.