Kanë nisur reshjet e dëborës në disa qarqe të vendit, teksa në disa të tjera nuk kanë munguar reshjet e dendura të shiut. -Në qarkun e Korccës ka një trashësi dëbore nga 5 deri në 15 cm në rrugën e Dardhës, ndërkohë që në aksin Korçe-Voskopoje dhe Korçe-Qafa e Qarrit-Erseke ka reshje debore më te pakta. Gjithsesi deri në këto moment nuk ka probleme me qarkullimin e automjeteve. Në bashkinë Kolonjë gjatë natës ka patur erera te forta dhe shira të rrëmbyeshëm, ndërsa në mëngjes borë 2-3 cm. Si pasojë ka patur dëmtime në dy shkolla, dhe po punohet për riparimin e tyre. Në fakt janë raportuar disa defekte sporadike ne bashkinë Pogradec fshati Jollë, ne bashkinë Devoll fshati Çipan, në bashkinë Korçë, fshatrat Kodra dhe Peshtan, dhe në Njësinë Administrative Vithkuq. Grupet e punës janë në teren dhe po vazhdojnë nga riparimet e defekteve. -Edhe Llogoraja këtë mëngjes është zbardhur nga dëbora e cila nuk ka krijuar probleme në qarkullimin e automjeteve. Rruga është e hapur dhe kalohet pa zinxhir, ndërkohë dhe borëpastrueset kanë punuar gjatë natës që rruga të mos ketë probleme. - Në territorin e qarkut Gjirokastër ka patur reshje shiu me intesitet të ulët dhe reshje bore në lartësitë mbi 1000 metra. Niveli i Vjosës në pikmatjen e urës së Memaliajt është 3.4 metër. Niveli i Vjosës në pikmatjen e urës Përmet është 2.6 metër. Mbeten problematike rreshqitjet në hyrje të qytetit Këlcyrë dhe rrëshqitja e një segmenti në një rrugë në fshatin Katundisht. Ndërsa ka mungesë të energjisë në fshatin Fshat i Ri. Në bashkinë Gjirokastër ka bllokim të rrugëve Kolonjë Golëm dhe Kolonjë Medar. -Sa I takon qarkut të Fierit ka probleme vetëm ne linjat elektrike ne dy fidera, në fshatin Oficcinë dhe në Vadhizë e Drizë. Grupet e punes se OSHEE jane ne terren duke punuar per normalizim te situates. -Reshjet e dëborës kanë nisur dhe në verilindje të vendit. Pas reshjeve të shiut, në Bulqizë gjatë natës dhe ditës së sotëme kanë nisur edhe reshjet e dëborës. Pranë Minierave të Martaneshit kalimi i automjeteve bëhet me zinxhir me shumë vështirësi. Probleme nga reshje e dëborës ka edhe në segmendin e rrugës së Arbërit në qafën e Murrizit e cila eshte bllokuar, ndaj policia bën thirrije drejtuesëve të automjeteve që të mos udhëtojnë në këtë segment derinë hapjen e rrugës. Ndërkohë që në Shkodër siperfaqja totale e permbytur ne Bashkine Shkoder eshte 1100 Ha dhe 1100 Ha e permbytur në Anën e Malit. Rruga e obotit ka prezence uji 55 cm. Nga ana tjetër, Qafa e Malit ka prezence te bores me trashesi rreth 5cm, pa shkaktuar probleme per qarkullimin e mjeteve. Aksi Koplik-Qaf-Thore-Theth i kalueshem me zinxhire deritani nuk ka patur probleme.