Një vit pas ‘non gratës’ amerikane, Berisha gjendet më i izoluar se kurrë nga faktori ndërkombëtar. Mesazhet, ftesat apo në disa raste edhe heshtja e Europës, fshehin një të vërtetë të pamohueshme: distancimin e europianëve nga kryetari i sapozgjedhur i demokratëve. Unioni i partive simotra të demokratëve, do të mblidhet në 31 maj deri në 1 qershor në Rotterdam, ku do të mbahet Kongresi i Partive Popullore Europiane. Tre ftesa janë rezervuar për Partinë Demokratike, Jorida Tabaku në cilësinë e nënkryetares së partisë, Belind Këlliçi, si kryetar i Forumit Rinor dhe Albana Vokshi, si kryetare e Lidhjes Demokratike të Gruas.