Moti i keq që ka përfshirë vendin është shoqëruar me erë të fortë dhe reshje shiu. Si pasojë e erës së fortë në bashkinë e Pukës është dëmtuar çatia e spitalit, pasi është shkëputur një pjesë e saj me përbërje llamarine. Në Bashkinë Vau Dejës ka mungesë të energjisë elektrike në disa fshatra të Njad Vau Dejës, Bushat. Në fshatrat e Njad Hajmel dhe Vig Mnele mungon plotësisht energjia elektrike. Në territorin e bashkisë Fusheë Arrëz si pasojë e reshjeve të dendura të shiut janë dëmtuar pothuajse të gjitha rrugët rurale, rrëshqitje të dherave dhe rënie të gurëve në rrugë. Që prej të mërkurës pasdite ka pasur shkëputje të energjisë elektrike në Njësitë Administrative Qafë-Mali, Iballë dhe Blerim. Bëhet me dije se ka pasur dëmtin të disa pallateve në qytetin e Fushë Arrëzit, është zbuluar çatia nga era e fortë është shkëputur katramaja. Madje një shtetasje i është rrezikua banesa, pasi është shkëputur një masiv shkëmbor. Në Shkodër qarkullimi vijon pa probleme, ndërsa firmat mirëmbajtëse janë në gadishmëri me mjete dhe punëtorë. Ndërkohë në Lezhë informohemi se nga reshjet e shiut prej rreth 30mm gjatë 24 orëve nuk janë shkaktuar probleme në infrastrukturën e kullimit, argjinatura dhe në digën e rezervuarit të Shtodrit.