Mediat sociale janë bërë një pjesë e pandarë e jetës tonë. Për këtë arsye vitet e fundit janë rritur studimet dhe kërkimet se çfarë saktësisht shkaktojnë te njerëzit. Studimi më I ri tregon se heqja dorë nga mediat sociale edhe për një javë, përmirëson ndjeshëm gjendjen shpirtërore dhe shëndetin mendor. Hulumtimi përfshinte 154 njerëz të moshës 18 deri në 72 vjeç, të cilët u ndanë në dy grupe të rastësishme. I pari vazhdoi të përdorte çdo ditë rrjetet sociale si Facebook, Twitter, Instagram., ndërsa i dyti ndaloi gjithsej shtatë ditë, duke pasur kështu mesatarisht 8 deri në 9 orë më shumë në javë. Shëndeti i tyre mendor u vlerësua si në fillim ashtu edhe në fund të hulumtimit. Dhe ajo që u zbulua ishte se një javë abstenim nga rrjetet sociale, ishte e mjaftueshme për të përmirësuar mirëqenien mendore dhe për të reduktuar simptomat e ankthit dhe depresionit.