Rikonceptimi i diplomacisë shqiptare në botë përmes ndryshimeve ligjore u prit me skepticizëm nga opozita. Mes akuzave për nepotizëm dhe emërime politike nëpër ambasada, u ngritën edhe shqetësime sa i takon procesit të integrimit të Shqipërisë në Bashkimin Europian. Deputetja Jorida Tabaku deklaroi se mbrojtja politike që po i bëhet Belinda Ballukut, po pengon integrimin. “Ky duhet të ishte një debat për procesin e integrimit. Sot ndodhemi në një moment të vështirë. Nuk e prish unë procesin që komunikoj dhe ngre shqetësimet, por ju që nuk zbatoni detyrimet që keni marrë përsipër. Lufta ndaj korrupsionit është rruga kryesore për të shkuar në BE. Raporti ju thotë që pengesa më e madhe sot është mbrojtja politike që ky parlament po i bën mandatit të zv.kryeministres. Dy muaj po e tërhiqni zvarrë. Nuk ka asnjë vend në rajon që ka pasur rekordin negativ që ka pasur Shqipëria. Për këtë duhet ta keni ju turpin”