Papa Leoni i 16 i 14, në fjalimin e tij të parë drejtuar diplomatëve botërorë në Vatikan, tha të premten se dinjiteti i migrantëve duhet të respektohet, ndërsa u bëri thirrje gjithashtu vendeve të botës që të ndalojnë prodhimin e armëve dhe t’i japin përparësi përpjekjeve për paqe. Papa, që vjen nga Shtetet e Bashkuara dhe që jetoi për shumë vite në Peru, e përshkroi veten si një "pasardhës të emigrantëve" dhe bëri thirrje për dhembshuri dhe solidaritet me personat e zhvendosur. Papa Leoni gjithashtu e përdori fjalimin e tij për të ritheksuar mësimin tradicional të Kishës mbi martesën, duke pohuar se ajo është një "bashkim i qëndrueshëm mes një burri dhe një gruaje" dhe duke nënvizuar rëndësinë e familjes si një themel për harmoninë në shoqëri. Leo, i cili u zgjodh papë javën e kaluar, e ndërthuri fjalimin e tij rreth temave të paqes, drejtësisë, lirisë fetare, shkaqeve rrënjësore të konflikteve dhe nevojës për diplomaci shumëpalëshe.