Të paktën 66 persona kanë humbur jetën nga zjarri që përfshiu një hotel në vendpushimin turk të skive Bolu. Numri I viktimave u rrit me shpejtësi pasi më herët u njoftuan vetëm 10 humbje jete. Të paktën dy nga viktimat vdiqën pasi u hodhën nga dritaret e hotelit, sipas mediave turke. Zjarri shpërtheu në hotelin 12-katësh Grand Kartal në orën 03:27 të mëngjesit. Në hotel ndodheshin 234 persona. Në përpjekje për të shpëtuar nga flakët dhe tymi shumë turistë u varën nga dritaret. Sipas autoriteve flakët shpërthyen në katin e katër të hotelit, ku ndodhej dhe restoranti dhe më pas u përhapën në pjesën e sipërme. Për shkak të zonës ko ndodhej hoteli, dhe ngricës zjarrfikëseve iu desh më shumë se një orë për të arritur. Ndërkohë përpjekjet e shpëtimit vazhduan deri në mëngjes, Malet e Bolu janë të njohura pasi kanë një numër të madh vizitorësh të apasionuar pas skive. Qyteti veriperëndimor është rreth 170 km nga Ankaraja. "Njerëzit bërtisnin në dritare: "Na shpëto", sepse brenda kishte tym intensiv. Ne nxorëm 20-25 njerëz," tha një nga instruktorët e skive për NTV. Nuk dihen ende rrethanat që shkaktuan zjarrin.