Një supermarket në komunitetin hebre në lagjen Golders Green në Londër u përfshi nga flakë masive. Rreth 100 zjarrfikës u angazhuan për vënien nën kontroll të zjarrit dhe për të bërë të mundur izolimin e tij. Autoritetet britanike kanë konfirmuar se zjarri shpërtheu në katin e parë të një godine, ku operonte një subjekt biznesi supermarket në zonë, më pas flakët u përhapën drejt magazinës në pjesën e pasme të dyqanit. Mediat lokale raportojnë se bëhet fjalë për supermarketin Kosher Kingdom, me një sipërfaqe prej rreth 7 mijë metrash katrorë. Deri më tani, shkaqet e zjarrit mbeten të paqarta dhe autoritetet po vijojnë hetimet. Sipas mediave britanike, zona e Golders Green ka qenë kohët e fundit objekt i disa incidenteve. Edhe në një reagim në platformën X, Lëvizja kundër Antisemitizmit ka deklaruar se po e monitorojnë nga afër situatën.