Një zjarr ka përfshirë mesditën e sotme zonën e Ujit të Ftohtë në Vlorë, pranë tunelit. Flakët kanë përfshirë një kabinë të ujësjellësit, e cila shërben për shpërndarjen e ujit në këtë zonë. Dyshohet se zjarri ka nisur nga pjesa kodrinore dhe më pas është përhapur drejt kabinës. Situata paraqet rrezik për përhapjen e zjarrit në një zonë të banuar dhe turistike, ku ndodhen edhe objekte e hotele. Forcat zjarrfikëse vijojnë ndërhyrjen në terren, ndërsa ende nuk dihen shkaqet e sakta të rënies së zjarrit. Ndërkohë, një tjetër zjarr ka rënë pasditen e kësaj të marte në në katin e pestë të një pallati në qendër të qytetit të Sarandës. Banesa ku ka rënë zjarri përdorej për lavanderi. Zjarrfikësit shuan zjarrin, duke penguar kështu përhapjen e tij në hyrjet e tjera të pallatit pesëkatësh. Shkak i zjarrit dyshohet të jetë shkaktuar nga ndonjë masë elektrike. Edhe në Tiranë ra zjarr në katin e gjashtë të një hoteli, për shkak të defektit të kondicionerit. Nga flakët nuk pati të lënduar ndërsa zjarri u shua.