Re të dendura tymi u ngritën mbi autostradat pranë Jerusalemit të mërkurën, ndërsa zjarrfikësit nxituan të kontrollonin zjarret që kanë plagosur disa njerëz dhe që shtynë Ministrin e Mbrojtjes, Israel Katz, të shpallte "emergjencën kombëtare". Agjencia izraelite e shpëtimit Magen David Adom raportoi se qindra civilë ishin në rrezik nga zjarret më të këqija ndër vite, me Katz që urdhëroi vendosjen e trupave për të mbështetur zjarrfikësit. MDA tha se kishte ofruar trajtim për rreth 23 persona, 13 prej të cilëve u dërguan në spital, shumica prej të cilëve vuanin nga asfiksia por dhe djegje tw ndryshme qw kishin pwsuar nw trup. Midis tyre ishin dy gra shtatzëna dhe dy fëmijë më pak se një vjeç, shtoi ajo. "Po përballemi me një emergjencë kombëtare dhe të gjitha forcat e disponueshme duhet të mobilizohen për të shpëtuar jetë dhe për të vënë nën kontroll zjarret", tha Katz në një deklaratë nga ministria e tij.