Fasada e ish-bursës historike të Kopenhages u shemb këtë të enjten, thanë autoritetet, ndërsa njoftuan prej tre ditësh po vijon beteja me flakët që kanë përfshirë godinën. Gjysma e ndërtesës së Borsenit të shekullit të 17-të u shkatërrua dhe maja e saj 54 metra dhe u rrëzua përtokë në zjarrin që shpërtheu të martën, dhe që tronditi Danimarkën. "Fatkeqësisht, ka pasur një shembje të fasadës," tha shërbimi i shpëtimit në Kopenhagen në një postim në platformën X, dikur Tëitter. Ata sqaruan se të gjithë punëtorët ishin evakuuar nga vendi i ngjarjes dhe nuk raportohet për të lënduar. "Ekziston një rrezik i vazhdueshëm i kolapsit të pjesës tjetër të fasadës së Borsen," tha në një konferencë për shtyp Tim Ole Simonsen, udhëheqës i operacionit në shërbimet e shpëtimit. Më herët gjatë ditës autoritetet thanë se për shkak të rrezikshmërisë nuk do të lejohet kalimi I automjeteve rreth zonës deri ditën e hënë. Zjarri filloi në çatinë e ndërtesës 400-vjeçare e më pas u përhap me shpejtësi.